فستان الفرح _قصه قصيره

 By: Mafrosa    5:29 م  قصص قصيرة   No comments

قصه قصيره 

فستان الفرح
"""""""""""""
اول هديه جبهالى بعد خطوبتنا كانت فستان الفرح
اد ايه كان جميل لدرجة انى كنت بحلم باليوم الى
هلبسوا فيه

وبهرنى بأنه هيعملى فرح كبير زى الف ليله وليله
وانى خلاص هخلص من الهم والفقر الى انا فيه
وان ده كله هيعوضنى عن فرق السن الى هو شايفه
مش كتير ايه يعنى 14 سنه فرق
وانى هعيش اميره فى مملكتى براحه ورفاهيه
ما كنتش احلم بيها
وفوقت من زكرياتى على صوت ابنى عمر
الى عمره 8 سنين
بيقولى يا ماما انتى سرحانه فى ايه بابا بيندهلك
ولقيت زوجى بيقولى بصوته المتحجر ايه طرشه
بقالى ساعه بندهللك
غورى هاتلى البالطو الطويل من الدولاب علشان خارج
اسهر بره
وطبعا كالعاده ما علقتش وروحت زى الجزمه
اجيبله البالطو من الدولاب
وفتحت الدولاب ولقيت جمب البالطو فستان الفرح
فمسكته وخرجت جرى اقوله بص لقيت ايه فى الدولاب
فكرى شكلى فيه كان عامل ازاى كنت زى القمر
بصلى بقرف وقلى قمر بالستر يا رتنى اتشليت قبل
ما اجيبلك فستان بالشىء الفلانى وانت ما تستهليش
فين البالطو يا بنى ادمه انتى عايز اغور من وشك
اديتو البالطو ومسكت الفستان وفضلت متنحه مده طويله
معقوله انا كنت غبيه للدرجه دى علشان فستان اضيع
عمرى فى مهانه و زل واحتقار طول السنين دى
دخلت على ابنى اوضته وقلتلو ياله يا حبيبى خدنا افراج
واخدت شنطت هدومى وابنى وروحت على بيت اهلى
وما نسيتش وانا ماشيه انى ارمى فستان الفرح فى
اول سلة زباله لقتها :(

رؤى كمال