فيديو تخطى ال 20 مليون مشاهده على يوتيوب لزوج يمزح مع زوجتة بقتل طفلها

هل من الممكن ان تصل وتطور المقالب المضحكة لهذا الشكل ؟ فمثلها مثل اى شىء فى حياتنا يتطور !!!!!!!!
انتشرت فى الاونة الاخيرة مقطع شهير جدا  على موقع الفيديوهات العالمى  الشهير يوتيوب  تخطى الثلاثة ملايين مشاهدة فى يومان فقط  متخطى بذلك  كل الارقام القياسية فى السابق لرجل اجنبى يقوم بعمل مقلب مضحك فى زوجتة واتفق مع ولدية الصغيرين لعمل هذا المقلب بهذا الشكل الرهيب وفى بداية المقطع نرى ان كل شىء طبيعى جدا  حتى ان الزوج طلب من زوجتة احضار كوباً من الماء بكل هدوء وحينما جاءت له بكوب الماء كانت هناك المفاجأة شاهدو الفيديو : فيديو تخطى 3 مليون مشاهدة على يوتيوب لزوج يمزح مع زوجتة بقتل طفلها 

Read More

اتقلب السحر على الساحر...شاهده بفيديو يتخطى ال 50 مليون مشاهده

واتقلب السحر على الساحر


بالفيديو شاب حب يعمل مقلب فى صحبته بعد ما فضلو 5 سنين ويفاجئها انه بيخونها
وبالفعل حضر للمقلب كويس وحكالها انه بيخونها

لكن صحبته بتعمله المفاجأه الاكبر

ان هى الى بتعترف بيخانتها ليه ....وبعد ما بيتقلب السحر على الساحر
بتحصل مفجاه اكبر شوفو الفيديو وانتو هتعرفو بنفسكم :)

Read More

ماذا يحدث لو داعش حبت تحتل مصر

داعش نزلوا عشان يحتلوا مصر :





راكبين عربية نص نقل ومكربسين فيها ورافعين اعلامهم الخاص بيهم...
اتزنقو على الدائرى..
الريس بتاعهم بص لقى واحدة شايلة قفة على دماغها بتقوله والنبى يا ابنى خدنى معاك عبود..
الداعشى: بس يا ولية انتى مش عارفة احنا مين احنا جايين نحتل مصر
الست: طب ماشى وماله خدنى معك عبود ياخويا ينوبك ثواب
الداعشى: باقولك جايين نحتل مصر انتى مابتفهميش
الست: ياموكوس ماهو انت لازم تروح عبود اومال ها تحتل المحافظات التانية ازاى؟؟
الداعشى: بس ياولية غورى من هنا
الست : ضربة فى فخادك يابعيد وغارة تاخدك
وراح الموبايل بتاع الداعشى رن
الو.. ايوة يا شيخ بغدادى يا امير المسلمين... لأ لسة احنا مزنوقين ع الدائرى زحمة قوى
البغدادى: دائرى ايه وزحمة ايه يابغل قولهم ان انتم داعش
الداعشى: ما انا قلت لهم لقيت واحدة بتقولى خدنى معاك موقف عبود
البغدادى : خوفهم اضرب كام قنبلة على كام رصاصة
الداعشى: والله عملنا كده فى اول الدائرى الناس وقفت تتفرج على القنابل
البغدادى: يخرب بيتك ألو الو
الداعشى: الحق ده المصريين جايين يتصورو معانا سيلفى
البغدادى : ايه التهريج ده
الداعشى: استنى يا امير المسلمين الدواعش اللى معايا فى العربية نزلو كلهم
البغدادى: نزلوا راحو افى انهى نصيبة
الداعشى: لقو المصريين ملمومين حوالين عربية كبدة نزلو ياكلو معاهم
البغدادى: يخرب بيوتكم والله لهاقتلكم كلكم
الداعشى: ياعم هو انت مش ها تتشطر الا علينا...
وادى الدقن!!!. وأدى العمــة.. ..!!!.. يالا ياحاجة..
عبود... عبود.. عبود.. عبود

Read More

مواقف كوميديه ..لعروسه فى بداية حياتها الزوجيه :)

مواقف عروسات في المطبخ اول مااتجوزو
عملت عصير ايس تشوكليت وحطيت كل حاجه وجيت وحطيت السكر ونسيت المعلقه جوه الخلاط وقفلت وشغلت لقيت صوووووت رهيييب وغطا الخلاط طار والعصير كله طرطش في المطبخ وعلي سقف المطبخ والخلاط اتكسر ههههههههههههه وطبعا مش عايزة احكيلكوا مسحت اثار الجريمه بسرعه قبل ما جوزي يخرج من الحمام ولما طلع قالي كان في صوت غريب قوي قلتله لا ماتقلقش دي الناس اللي جنبنا كانوا مشغالين الشنيور ههههههههههههه
*****************
هههههههههههههههه انا نفسى هفتنى اكل فشار قومت عملت ومحطتش غطا مكنتش اعرف انه بيتغطا قعد يضرب فالسقف وفكل حته ونا خايفه اجى جنبه وعايزه اقفل النار ومش عارفه اوصل للبوتجاز مالخوف حاسه ان المطبخ بيشتى فشار فسبته لحد ماكله طلع بره الحله والحله بقت فحمه وروحت طفيت النار وقعدت ألم الفشار بقا قبل ماما ماترجع مالشغل... من الارض ومن عالبوتجاز ومن فوق التلاجه ومن على دولاب المطبخ وفوقه ياااانى كان يووم
*****************
عملت لحمه ع الفحم مكنتش اعرف انها ليها لحمه معينه قعدت اسوى فيها ع الفحم مااستوتش بعد مااتحرقت طبعا جبت مايه وسلقتها تانى لاقيت الشوربه سوده طلعتها وشوتها تانى ع الفحم وجه جوزى ياكل بيقولى ايه ده قلتله لحمه ع الفحم قالى ايوه ده الفحم فين اللحمه
*****************
انا كان زوجي طلب مني عصير ليمون فجبت شوال الليمون كله عصرته ف الكوباية لحد ما نص الكباية اتملت فدخل علي زوجي المطبخ بعد ساعه من تحضير عصير الليمون فقلت له بعتذر الليمون خلص ومعرفتش املي الكوباية
الراجل لطم وفطس من الضحك يا عيني
******************
انا بقي كنت بغسل اللحمه المفرومة كنت بحطها في مصفي واغسلها و نصها يقع في الحوض و اقول انا لازم اجيب مصفي اضيق شويه
*****************
انا عملت صنية البطاطس دي اكتر من ١٠مرات ف كل مرة اعمل مصيبة مرة انسي السمنة .ومرة انسي البصل ومرة انسي الطماطم ومرة انسي الشوربة واخر مره هههههههههههه قلت ايه الهبل ال انا فيه دا مكنتش ام صنية بطاطس انا زهقت وكتبتهم ف ورقه وبعد ما حطيت الصينية ف الفرن وقربت تستوي بفتح الفرن لقيتني نسيت احط البطاطس هههههههههههههههههه
*****************
كنت بسلق بيض ونسيته والله ماهتصدقوا سمعت صوت انفجار جامد في المطبخ طبعا روحت علي باب الشقه الاول وبعد لما اطمنت ان مفيش اصوات لانفجارات تانيه رحت ببطء شديد للمطبخ وبصيت من بعيد علي الاجهزه الكهربائيه لقتها بخير والحمد لله ولقيت الكسروله اللي كنت بسلق فيها البيض متفحمه والبيض اشلاء في المطبخ كله معرف نيوتن مقلش ليه ان البيض بينفجر عند زياده درجه الحراره بيستهبل ده
*******************
انا اول لما اتجوزت عملت ملوخية وجوزي قالي طول عمري اعرف ان الملوخية بتسقط لتحت لكن انتي سقطيها لفوق ازاي ..
ازاي خليتي الملوخية فوق و الشوربة تحت...
*******************
انا حبيت اعمل نفسي زي الشيفات الكبار وجيت اقلب الاكل فالهوا هو الي حصل انا لاقيت خير اللهم اجعله خير نار مولعه فالبوتجاز كله والاجراء المحيطه ومن بعدها جوزي شاف المنظر قالي ياريت لما تحبي تحرقي البيت تاني اكون هنا عشان انقذ ما يمكن انقاذه بس الحمد لله مفيش خسائر بشريه وانا اتعلمت اني متفرجش علي برامج اكل فالتليفزيون تاني ابدااااااااا
********************
ههههههههههههههههه. انا طلب مني اعمله كشري علشان بيحبه دخلت وطلعت ميت مره من المطبخ وبعد تلات ساعات سالني عملتي الكشري عيط وقلتله مبعرفش اعمل اكل اصلا
*******************
غسلت الخلاط كلة بالموتور تحت المية وجيت اشغلة فرقع ف وشى هههههههههههههه
********************
يوم الفرح بليل هو حلف ليعمل فيها رومانسى ودخل المطبخ يحضر العشا لسه بقوله حبيبي اخرج انت لقينا البوتجاز هب من العيون كلها جرينا وبعديها اقوله قوم انت وهو يقولى لا قومى انتى وفى الاخر كلنا الاكل ساقع
*********************
عملت محشى فلفل لوحدة مكنتش اعرف ان لازم كوسة وبدنجان معاه واخترت اكبر اربع فلفلات فى السوق معرفش انها لازم تكون صغيرة طبعا قالى ايه القنابل الذرية اللى عملاها دى
*********************
الرابعة كنت متجوزة وغسلت شعرى فكان شكل حلو وهو مبلول وجوزى قالى الله شعرك جميل كدة سبية متربطهوش قولتلة بلاش مسمعش الكلام المهم كنا في حجرة الكمبيوتر بنتفرج على فيلم ونمنا وصحيت بصحى وبقلوة قوم ننام في حجرتنا فضل يصوت ويقول اعوذ بالله من الشيطان الرجيم فانا اتخضيت وبقولة مالك وهو يبعدعنى ويصوت واقولة الله يسمحك المهم النيش كان فية مراية وبالصدفة ببص فضلت اصوت انا كمان الكحل مع المسكرة مع الروج مع شعرى وهو ناشف ولونة كان اورانج علشان كنت لسة صبغاها معرفش ان الون وهو مبلول مش زى وهو ناشف بصراحة كنت تحفة
**********************
عملت عدس طلع لونة اخضر. محدش يسألني اذاي انا شخصيا لحد دلوقتي معرفش

رؤى كمال

Read More

هاتى بوسه يا بت :هاتى حته يا بت :)

مواقف كوميديه :

هحكيلكم اللى حصل فى فرح ابن خالتى النهاردة كان فرح مسسسخرة بشكل فظييع .. ينفع يتحط مشهد فى فيلم كوميدى
اولا العروسة منتقبة والعريس مش ملتحى بس متدين شوية و بباه شيخ ازهر رجل دين يعنى .. وظهر فى برامج دينية قبل كدة وخالتى منتقبة وابو العروسة شيخ بردو هو تاجر بس متدين اوى
المهم الفرح طبعاا اسلامى .. والمعازيم الرجالة لواحدهم والستات لواحدهم .. الستات منوعين بقا ما بين المنتقبات والمحجبات واللى مش محجبات
بتاع الدى جى قالوله الفرح اسلامى فمشغل أغانى افراح اسلامية .. بس بصراحة شكله مكنش متخصص فى الحكاية دى فمشغل أغانى كئيبة اوى وقديمة كمان .. يعنى فيه احلى واجدد منها

المهم العريس قعد شوية مع العروسة وبعدين راح عند الرجالة

الاغانى مملة .. العروسة متنحة .. الناس متيسة .. العيال الصغيرة بتنام .. وفى عيال بدأت تزن .. صحبات العروسة بيحاولوا يفرفشوا الجو بس محاولاتهم بتفشل

وفجأة وقفت امى العزيزة وهوبااا خدت فى وشها وعلى برا عند بتاع الدى جى وبعدين دخلت القاعة تانى ووشوشت خالتى
فالاغانى سكتت يجى دققتين كدة .. وفجأة

هاتى بوسة يابت .. هاتى حتة يابت

وماما وخالتى قصاد بعض بقا رقص .. وناس تصوت وناس ترقص معاهم .. وناس تسقف .. وناس مصدومة .. والعيال اللى كانت بتنام طلعوا على التربيزات يرقصوا

العروسة مش فاهمة حاجة ومش عارفة رد فعل عريسها وابوها وحماها ايه تحسوا انها مترددة .. وصحباتها ما صدقوا وبداو يشدوها علشان ترقص .. والشيطان كان اقوى منها واديتها على الاخر وفضلوا يرقصوا نص ساعة كدة وبعدين الاغانى سكتت تانى
وادوا خبر فى القاعة ان العريس داخل علشان البنات المنتقبات اللى لابسين سواريه وكدة

العروسة قالت دا داخل يرمى عليا اليمين او يهزأنى بكلمتين 

وفعلا ابن خالتى دخل القاعة مش باين اى ريأكشن على وشه والاغانى ساكتة ومخبى وراه حاجة كدة

وثوانى وأغنية رقص تانية اشتغلت والعريس طلع العصاية من وراه واداها رقص قصاد العروسة ... وانا اصوووت واضضضضحك واسخسخ على المنظر والستات تصقف 

جالى صداع من الضحك ليلتها حاجة فظيييعة

بقول لماما انتى عملتى كدة ازاى مش كان لازم تستاذنى جوز خالتى وابو العروسة الاول شكلهم ايه قدام الشيوخ صحابهم

قالتلى وانا دى تفوتنى .. انا قولتلهم معلش عاوزين نشغل أغانى علشان نفرفش العرسان شوية .. قالولى ماشى بس المهم متكونش أغانى تخدش الحياء .. فروحت للواد بتاع الدى جى قولتله شغل هاتى بوسة يا بت
اومال لو كانوا قالولها تخدش الحياء كانت قالت للواد يشغل ايه ??? مش هتيجى مش هروح ههههههههههههههه

هناء_محمود

Read More