.jpg)
ماما يعنى تنامى اخر واحده وتصحى اول واحده ولو فكرتى تقولى تعبانه يقوليك ازاى يعنى !! انتى ماما !!
ماما يعنى تفضللى تعيدى وتزيدى ويحرقو دمك فى مذاكره وواجب ولما تنفرزي يقوليك احنا مش بنحبك وانتى بتزعقى
ماما يعنى نفضللى طول اليووم تشتغللى واول ما تحطى جسمك على السرير تلاقى كل عضمه بتصرخ فى جسمك وتلاقى واحد فيهم بيكح
تنطرى عليه وما تفتكريش انك تعبانه غير لما ترجعى للسرير تانى
ماما يعنى تزعقى واحيانا تضربى واول ما ينامو تفضللى تبوسى بيهم وضميرك يأنيبك وتفضللى زعلانه وتانى يوم الصبح تبدى وصلة الزعيق عادى جدا"
ماما يعنى او ما يعيو ولا يسخنو تفضللى صاحيه لحد ما يبقو كويسين واول ما يخفو تفضللى مرعوبه لايعيو تانى
ماما يعنى النفس الى بيتنفسوه ترياق الحياه ليكى وحزنهم غم وهم على قلبك ولا اتاذو تقوللى يارب هتها فيا وبلاش هم
ماما يعنى تفضللى تحبيهم وتحبيهم وتشوفى الدنيا بعنيهم وتنامى تصحى تفكرى فيهم كانهم الشمس الى بتدي النور لحياتك من غيرها ما تقدريش تعيشى
ماما يعنى تحبى باباهم ولو غصب عنك وتتحمليه حتى لو عمل فيكى ايه وتقوللى كله عشان عيالى ..انا عايشه ليهم وبيهم
ماما يعنى لما تشوفى اختك ولا صحبنك ما عندهاش اولاد تقوليلها يا شيخه ارتاحتى من قرفهم ..وانتى من جواكى بتدعى ربنا ما يحرمها من احلى نعمه انها تكون ماما
ماما يعنى تحمللى 9 شهور وتربى سنين ويجو يتجوزو ويبعدو عنك ويفتكروكى كل اسبواع بزياره او هديه فى عيد الام ..سنة الحياه
ماما يعنى تعيشى لغيرك ..تصحى وتنام لراحة غيرك ....تعيشى تفكرى فيهم وتنامى لما تنام عنيهم ...
ماما يعنى احلى نعمه من ربنا ...ماما يعنى تفضللى ليل نهار تدعى ربنا انه يحافظليك عليهم ويحميهم
الحياه يعنى ...حبك للاولادك يا احلى ماما
رؤى كمال
ليست هناك تعليقات:
إرسال تعليق