.jpg)
الغريبه انا احنا مستنين يوم واحد فى السنه اسمه عيد الحب عشان نعرف او نتاكد ان شريك حياتنا بيحبنا
ولا لا والاغرب اننا كالعاده بنتصدم لما ما يفكرش يقول هابى فلانتين او يجيب ورده او يعبر شريكه بهديه
والنسبه الاكبر من المصدومين بتكون من النساء
لاننا للاسف بنستنى الاهتمام وما بنفقدش الامل تحسو كده اننا كائنات فضائيه
ممكن نتوقع طول عمرنا اننا هنلاقى تغير لحد اخر لحظه
وللاسف بيمر العمر من غير ما نلاقي الاهتمام
مش عاوزه اقول للستات بتطللى تتوقعى لانها حاجه فى تكوينها دايما عندها امل
لكن هقوليك ان الانسان ما بيتغيرش فى يوم وليله ,, يعنى مش الصبح هيبقى انسان بارد معدوم المشاعر
وبليل هيكون رومانسى ,,هى اوقات بتحصل بس بتكون لغرض معين ,,,غير كده ما اظنش
وبردو مش عاوزه اكون متشائمه ولا اقول انه مافيش امل لان الامل موجود وربنا كبير ويمكن
يجى اليوم الى يحسو بقيمتنا فى حياتهم ويارب يكون اليوم ده قبل ما نكون تحت التراب
هفضل متفائله لانه ده فى تكوينى الداخللى وهقول يارب كل راجل يحس بقيمة زوجته
الى بتفنى عمرهاعشانه وعشان اولاده ويعبر ليها عن امتنانه وتقديره ليها قبل فوات الاوان
ان شاءالله بكلمة شكر بسيطه مع ابتسامه وهى بتقدمله الاكل احنا الستات بنرضى باقلل حاجه
المهم انك ما تستخسرش القليل ده فى شريكة العمر
ليست هناك تعليقات:
إرسال تعليق