- (مسمار جحا) عارفين قصة مسمار جحا لما جحا كان عنده بيت وباع البيت ماعدا مسمار وكل يوم يجي يبص على المسمار لحد مالى اشترى البيت اتنازل عن البيت لجحا إحنا كمان عندنا مسمار جحا بس فى زماننا غيرنا اسمة وبأة (الواسطةأو الكوسة أو المحسوبية ) الى تحب تقوله قوله زمان وأنا فى إبتدائى كان معايا فى الفصل مخترعين فاكراهم لحد دلوقتى تلاقى فسل صغير فى ابتدائى وعامل دائرة كهربائية كاملةفى علبة كبريت ومخليها تنور ولا يعملهالك فى المسطرة تفتكرو العيال دول بقو اية دلوقتى أنا شخصيا ماعرفش بس لو دول كانو فى اليابان مثلا أو ألمانيا أكيد كان زمان حد منهم ولدلنا كهرباء من أى حتة غن شا الله من العفريت لكن فى هنا فى مصر ممكن يكون واحد فيهم دخل كلية هندسة قسم كهرباء عال جدا ولما اتخرج اشتغل .. اشتغل ..ربنا كرمه واشتغل كهربائى أأأأأأأأأد الدنيا وساعتها هنصقفله ونعمله شابوه ونقوله يابن اللعيبة عملتها ازاى دى اشتغلت فى كاريرك دة انا جامد جمودية التنين ولما كنت بلعب كاراتية كنت بشوف مستويات رهيبة عالم بجد تاتشات بسيطة وتحترف برة وانا كنت منهم دول راحو فين؟؟!!! مممم..أنا شخصيا سيبت الكاراتية عشان فى بطولة كان المفروض أخد مركز أول وبعد مانادو اسمى لاقيت الخامسة طالعة مكانى وانا برة اللعبة تفتكرو لية؟؟ عشان الكوسة ليها حد فى الاتحاد بنت الاية وانا فاكرة لما كنت بقف فى البلكونة كنت بشوف زئاريد صغنين عيال ابتدائى واعدادى بيقسمو ماتش والله كان فى منهم عيال بيلعبو أحسن من أبو تريكة دول أكيد أكيد ممكن واحد فيهم يطلع مدرب سباحة وبرده هنقوله يابن اللعيبة اشتغلت فى الرياضة قريبة من مجالك عندك كفاءة أة طب عندك موهبة أة طب عندك مخ أة طب عندك واسطة لأ شكرا الوظيفة انشغلت مش بقولكو مسمار جحا إنها الواسطة والكوسة والمحسوبية التى تجعل الأول عاطل والأخير يعمل بوظيفة مرموقة بمرتب هائل فى بلدنا بلدنا مليانة كفاءات مابيتعرفش منهم الا المغنيين والممثلين والرقاصين عشان دول مهمين أما الكتاب والمثقفين والمخترعين والمتفوقين قاعدين ع الفيس بوك وبيلعبو فى الطين وبيألفو بوستات ونكت وبيتريقو على حالهم بجد عالم مساكين لكى الله يامصر
ليست هناك تعليقات:
إرسال تعليق