زى زى بنات كتير عمرى ما ذوقت طعم الراحه
اشتغللى وكونى نفسك
عشان تتجوزى وتعيشى مرتاحه
اسعى واصرفى على بيت
فى اب وام واخوات مصاريفهم كتيره
انزللى واتبهدللى فى المواصلات واتشحططى يمين وشمال
دورى على الفلوس بالمنكاش واسعى واجرى هنا وهناك
واوعى تقوللى لا للرزق لحسن ينحاش
ده ينغزك وده يبصليك بصه ما تسواش ده فكرك رخيصه
وده فاكر لحمك ببلاش
وتعمللى ايه وانتى وراكى كوم لحم
قاعد راجله فى البيت وتمنه فى سوق العمل
ما يسواش
كوني نفسك يا هبله وجهزى نفسك واترسمى قدام الناس
يجيليك الى يتقليك بالدهب وترتاحى وتريحى وتشيل
اختك حملنا من بعدك وانتى بردو ما تنسناش .
ويجى ابن الناس الى تفتكرى انك هتعيشى معاه اميره
وللتعب تنسى وتنامى واتنى بتحلمى احلام جميله
يقوليك هجهز بس انتو بردو مش بتبيعو بنتكم ادفعو معايا
نشيل مع بعض اليله
وتشقى تانى عشان تجهزى وتدفعى فلوس العفش والحاجات التقيله
وتقوللى هانت كلها كام يوم وهعيش فى
هنا و راحه وانسى الايام التقيله
وتتجوزى وانتى مديونه وتفتكرى انك هتسدى الدين ووراهم بوسه
وتعيشى حياه كريمه زى اى ست اصيله
ما تدريش ان الشقى ماشى وراكى وشيليك حواديت جديده
ولا الف لييه وليله
وتلاقى الباشا الى اتجوزتيه حشاش ووراه مليون نيله
وديوان متلته ومتجوزك وفاكر وراكى خميره
من بره هاالله هاالله ومن جوه وكسته وكسه تقيله
وترجعى للشقى تانى يا موكوسه ما انتى وراكى هموم تقيله
بدل ما كانت عيله واحده بقو اتنين وانتى كمان يقيت خطواتك تقيله
شيله عيل وحامل فى التانى وجوزك نايمه فى البيت كته ستين نيله
اشقى واتعبى عشان تصرفى وتعويلى عاويل
وعيله
يا غلبانه تروحى فين من الشقى افتكرتى انك هتراتحى لما تتجوزى
انسى ده انتى لو قولتى للشقى رايحه مشوار هيقوليك ما تقلقيش
هترجعى تلاقينى هو انا ورايا غيرك يا جميله
الشقى ليه ناسه والبغدده كانت حلم حلمته ايام ماكنت فاكره ان الدنيا
ليها وش تانى غير وش البؤس وقلة الحيله
على فكره حكايتى مش غريبه دى حكايت بنات كتير قليلة الحيله ..
رؤى كمال
ليست هناك تعليقات:
إرسال تعليق